Kæri félagi, 

þótt farsóttin hafi almennt gert þungt fyrir fæti í félagsstarfi á árinu sem var að líða, hefur DíaMat ekki legið í dvala. Nú er kominn tími til að gera upp starfsárið: 

Aðalfundur DíaMats árið 2022 verður haldinn í MÍR-salnum, Hverfisgötu 105, sunnudaginn 20. febrúar 2022, klukkan 15:00. 

Vinsamlegast farið í covid-próf áður en þið komið. Gætt verður að sóttvörnum eins og unnt er. Allir félagar eru velkomnir á fundinn en vegna farsóttarinnar hvetjum við þó ekki beinlínis til þess að koma! Börn eru þó jafnvelkomin og fullorðnir. Húsnæðið á að vera aðgengilegt fyrir alla. Boðið verður upp á veitingar.

Dagskrá er samkvæmt lögum félagsins: 

1 Kosning fundarstjóra og fundarritara, 

2 Skýrsla stjórnar um starf félagsins á starfsárinu, 

3 Reikningar félagsins lagðir fram og afgreiddir, 

4 Lagabreytingar, 

5 Kjör tveggja stjórnarmanna sem aðalfundur kýs, 

6 Kjör tveggja skoðunarmanna reikninga, sem ekki eru í stjórn, 

7 Kjör eins nýs félaga í Öldungaráð (ekki skylda), 

8 Önnur mál.